Os meus parabéns ao alumnado de Educación Social, desta promoción 2015-2019, por esta iniciativa de dar a coñecer a nosa titulación e a nosa profesión a toda a sociedade, a través das redes sociais.
Son moitos os medios con que xa se conta para situar no mapa das profesións a de Educación Social, que sempre foi necesaria para dar cohesión ás comunidades, que non terÃan sentido sen a produción cultural, a súa transmisión a todos os seus membros, e a renovación constante en beneficio colectivo.
Hoxe, mais que necesaria é imprescindible, porque todos e todas somos destinatarios do labor destes profesionais, desde as idades máis novas ata a vellez.
En determinados momentos podemos asociar a intervención socioeducativa cos colectivos mais vulnerables, e iso é unha parte importante, pois unha sociedade non se pode considerar civilizada, se no seu interior, perviven e aÃnda aumentan problemas derivados das desigualdades e da exclusión.
Sendo importante esa dimensión, a actuación debe estenderse a toda a sociedade, pois o traballo con colectivos para favorecer o seu benestar e o disfrute dunha vida digna, serÃa insuficiente, se non actuamos no conxunto da colectividade, que nega eses dereitos, que alimenta prexuÃzos e estereotipos, impropios dunha sociedade que se autodenomina desenvolvida.
Espero que a sociedade tome conciencia da importancia destes profesionais, e que estes profesionais respondan ao que se espera deles. Ademais da formación recibida na universidade, mediante o grado e os mestrados, hai un compromiso e un entusiasmo en todas e cada
unha das persoas que escollen esta profesión, que os fai imprescindibles para o cambio tan necesario nesta sociedade.
Xosé Manuel Cid
Socio de Honra do Colexio de Educadoras e Educadores Sociais